INSCRICIÓN PARA A PROBA
Do 10 ao 19 de febreiro
CELEBRACIÓN DA PROBA
23 de ABRIL
PUBLICACIÓN DAS CUALIFICACIÓNS PROVISIONAIS
11 de maio
ENTREGA DOS CERTIFICADOS DE SUPERACIÓN DA PROBA
A partir do 3 de xuño
REQUISITOS PERSOAS PARTICIPANTES NA PROBA DE ACCESO AO GRAO SUPERIOR.
Poderán participar na proba de acceso aos ciclos formativos de grao superior as persoas que NON CUMPRAN OS REQUISITOS ACADÉMICOS esixidos para acceder a eles e teñan DEZANOVE ANOS ou os fagan no ano de realización da proba.
PRESENTACIÓN DE SOLICITUDES
As solicitudes presentaranse preferiblemente por vía electrónica a través do formulario normalizado de solicitude, anexo I (código de procedemento ED312C), dispoñible na aplicación informática «ciclosprobas» (https://www.edu.xunta.es/ciclosprobas/PaxinaInicio.do) accesible desde a sede electrónica da Xunta de Galicia, https://sede.xunta.gal. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal).
Tamén se poderán presentar as solicitudes na secretaría de calquera centro docente público da Consellería de Educación, Universidade e Formación Profesional que imparta ciclos formativos de formación profesional no curso académico 2019/20. As persoas interesadas deberán cubrir a solicitude a través da aplicación «ciclosprobas» (https://www.edu.xunta.es/ciclosprobas/PaxinaInicio.do) que xerará un documento en formato PDF co formulario normalizado de solicitude, anexo II (código de procedemento ED312D), que a persoa interesada deberá imprimir e posteriormente presentar no centro de inscrición.
O centro de inscrición elixido pola persoa solicitante tomarase como referencia para a asignación da sede de realización da proba de acceso.
ESTRUTURA E ORGANIZACIÓN DA PROBA.
Adecuaranse a aspectos básicos do currículo de determinadas materias do bacharelato. Estruturaranse en dúas partes: común e específica.
A PARTE COMÚN
Valorará a madureza e a idoneidade das persoas candidatas para seguiren con éxito os estudos de formación profesional de grao superior, así como a súa capacidade de razoamento e expresión escrita.
Organizarase en tres probas:
Lingua galega.
Lingua castelá.
Matemáticas.
A PARTE ESPECÍFICA
Valorará as capacidades de base referentes ao campo profesional de que se trate, e versará sobre coñecementos básicos das materias de referencia establecidas para cada ciclo formativo a que se pretenda acceder.
ORGANIZARASE CON BASE EN TRES OPCIÓNS, A, B e C, en función das familias profesionais.
A persoa aspirante deberá elixir unha das tres opcións no momento de formalizar a solicitude de inscrición para a proba, escollendo dúas das tres materias das que desexa que se lle examine:
OPCIÓN A: ECONOMÍA DA EMPRESA, LINGUA ESTRANXEIRA (INGLÉS OU FRANCÉS), E FILOSOFÍA.
OPCIÓN B: DEBUXO TÉCNICO, TECNOLOXÍA INDUSTRIAL E FÍSICA.
OPCIÓN C: CC. DA TERRA E AMBIENTAIS, QUÍMICA E BIOLOXÍA.
NOTA IMPORTANTE:
Para acceder aos ciclos da Familia de Imaxe e Son hai que elixir a Opción B, agás ao ciclo de Produción de Audiovisuais e Espectáculos que hai que elixir a Opción A.
HORARIO DA PROBA.
– Ás 9:00 horas: PRESENTACIÓN.
– Das 9:30 ás 13:00 horas: PARTE COMÚN da proba (Matemáticas, Lingua galega e Lingua castelá).
– Das 16:00 ás 18:30 horas: PARTE ESPECÍFICA da proba (materias específicas da opción vinculada ao ciclo formativo ao que se desexe acceder).
NOTA IMPORTANTE: As persoas inscritas deberán presentar, para a realización da proba, o seu DNI e a copia da folla da solicitude de inscrición.