A Escola de Imaxe e Son da Coruña (a EIS) inicia as súas actividades formativas o luns 16 de setembro as 11:30h. Dentro do acto de acollida aos novos alumnos, pero tamén aberto a todas aquelas persoas interesadas, ofrecerase a proxección do documental “ PEDRÓN DO FREIXO, unha historia da terra das Pontes”, un documental de Ángel Cordero. Presentará esta obra, de carácter etnográfico, o director do documental: Ángel Cordero, acompañado polo director de fotografía: Alfredo Varela. Posteriormente celebrarase un coloquio co público que contará con membros do equipo de rodaxe e a asistencia de personaxes que saen no documental. A proxección será ás 12:30h, con entrada libre e de balde, no teatro “Gustavo Pernas” da Escola de Imaxe e Son, Someso 6, A Coruña.
